Gleðilegt sumar!

 

 

 

Rétt eftir ég flutti til Íslands, fannst mér fyndið að kalla dag í kulda "sumar" ! 

Það tók nokkur ár fyrir mig áður en ég fattaðist loksins að "sumar á Íslandi" varðar ljós og sólskin fremur en lofthita.     

 

               Snemma sumars berast snjókorn í vindinum
               Hvítpúðruð Esja gnæfir yfir höfnina
               ,,Sumarið!" Dúðað fólk brosir við mér
               Smám saman dofnar yfir vetrinum í Lækjargötu

               Snemma sumars stingur kuldinn hörund mitt
               Fuglar dansa á torfunni og ylja sér
               við hliðina á þöglu blómabrumi
               Daginn lengir rólega í nepju á Austurvelli

               Svo rennir sólin niður björtu skini sínu
               og þekur bæinn með óskorinni ljóshimnu
               Sál mín seilist eftir sólinni
               og flýgur upp í loft eins og arnarengill

               Snemma sumars á Íslandi
               Dagur himnaljóss

 

 
                                                     - Snemma sumars;  TT apríl 2002
                                                             Myndin er úr FreeFoto.com - 

 

 

Athugasemdir

[Hólmfríður Pétursdóttir, 22.4.2010 kl. 16:33]

Þakka þér fyrir þetta ljóð. Það hitti mig í hjartastað.

[Rafn Haraldur Sigurðsson (IP-tala skráð) 22.4.2010 kl. 17:38]

Gleðilegt sumar Toshiki, mér finnst flott hvernig þú skilgreinir sumarið hér á Íslandi.

kveðja

[Toshiki Toma, 22.4.2010 kl. 19:22]

Kæru vinir, Hólmfríður og Rafn,

Gleðilegt sumar! Og þakka ykkur fyrir góðu orðin :-)

Með sumarkveðjum,

Toshiki