Gleðilegt sumar!

 

Snemma sumars berast snjókorn í vindinum
Hvítpúðruð Esja gnæfir yfir höfnina
,,Sumarið!" Dúðað fólk brosir við mér
Smám saman dofnar yfir vetrinum í Lækjargötu

Snemma sumars stingur kuldinn hörund mitt
Fuglar dansa á torfunni og ylja sér
við hliðina á þöglu blómabrumi
Daginn lengir rólega í nepju á Austurvelli

Svo rennir sólin niður björtu skini sínu
og þekur bæinn með óskorinni ljóshimnu
Sál mín seilist eftir sólinni
og flýgur upp í loft eins og arnarengill

Snemma sumars á Íslandi
Dagur himnaljóss

- "Snemma sumars" TT;
Myndin er eftir cohdra @morguefile.com -

 

Athugasemdir

[Rafn Haraldur Sigurðsson (IP-tala skráð) 19.4.2012 kl. 19:21]

Gleðilegt sumar kæri bloggvinur.

[Toshiki Toma, 19.4.2012 kl. 20:36]

Takk, Rafn Haraldur. Gleðilegt sumar!

[Guðrún Emilía Guðnadóttir, 20.4.2012 kl. 07:57]

Gleðilegt sumar Toshiki, takk fyrir ljóðið sem gefur mér ljós og birtu.

Njóttu sumarsins vel með þínu fólki
Kveðja

[Toshiki Toma, 20.4.2012 kl. 12:01]

Gleilegt sumar, Guðrún.

Takk fyrir það. Þetta ljóð er eitt af fyrstu fimm ljóðum sem ég samdi, og það var 2002. :-) 10 árum síðan.

[Guðrún Emilía Guðnadóttir, 20.4.2012 kl. 18:46]

Enda er það í ljóðabókinni þinni, Fimmta árstíðin þau ljóð eru yndisleg, en mér finnst ljóð sólarinnar gefa mér svo mikið.

Kemur ekki næsta bók bráðum?

[Toshiki Toma, 21.4.2012 kl. 22:06]

Takk fyrir, Guðrún.

Ljóð sólarinnar er hið fyrsta ljóð sem ég samdi. Því er það ekki svo ljóðrænt kannski.

Mig langar að gefa út aðra ljóðabók sem fyrst, en það verður líklega næsta ár ef allt gengur vel. :-)