Má ég tala á ensku?

Í gær sótti ég Tómasarmessu í Breiðholtskirkju. Tómasarmessa er dálítið öðruvísi en hefðbundin messa í þjóðkirkju og hún er haldin á síðasta sunnudag í mánuði í Breiðholtskirkju og í annan sunnudag í Grensáskirkju.

Ég hef aldrei verið í Tómasarmessu hingað til og loksins var ég ákveðinn að sækja hana (sem messugestur, en ekki sem prestur). Margir mættu í messunni og mér fannst hún skemmtileg og róandi.

Eitt sem einkennist í Tómasarmessu er fyrirbænarstund. Þá prestar (5) og djáknar (2) og leikmenn stóðu í öðruvísi horni í kirkjunni og gestárnar gátu farið til eins þeirra og sagt frá bænarefni sinu. Síðan bað prestur(djákni eða leikmaður) Guði fyrir viðkomandi. Margt fólk fór til þeirra og fékk bænargjöf fyrir sig.

Ég var að hugsa hvort ég eigi að fara og biðja bæn fyrir mig. Ég er með fullt efni fyrir bæn – ellimerki (gleyma einhverju fljótlega), skort á vilja um hreyfingu, þráhyggju á ís á kvöldin, skort á lífsförunaut o.fl. En ég hikaði við að standa upp og hugsa hvernig á ég að segja frá bænarefni mínu til prests??
Það er ekki svo auðvelt að segja frá slíku í stuttu og “to the point” formi. Þá spurði ég mig sjálfan: “Má ég tala á ensku?? Kannski ekki?? ”.

Ég fór ekki til prests í þetta skipti. Kannski skal ég fara með góðan undirbúning í næsta tækifarið!!

Að lokum, aðeins frekari upplýsingar um Tómasarmessu.


Hvað er Tómasarmessa?

Tómasarmessan hefur vakið mikla athygli víða um lönd á undanförnum árum og eru slíkar messur jafnan fjölsóttar.

Heiti messunnar er dregið af postulanum Tómasi, sem ekki vildi trúa upprisu Drottins nema hann fengi
sjálfur að sjá hann og þreifa á sárum hans. Í Tómasarmessunni er það einmitt ætlunin að gera fólki auðveldara að skynja návist Drottins einkum í máltíðinni sem hann stofnaði og í bænaþjónustu og sálgæslu.

Tómasarmessan einkennist af fjölbreytilegum söng og tónlist og sömuleiðis af virkri þátttöku leikmanna.
Stór hópur fólks tekur jafnan þátt í undirbúningi og framkvæmd messunnar, bæði leikmenn, djáknar og prestar.

Sextíu og átta Tómasarmessur hafa nú verið haldnar í Breiðholtskirkju í Mjódd á undanförnum tíu árum.
Óhætt er að fullyrða að þær hafi vakið ánægju þeirra sem þátt hafa tekið, en þær hafa verið haldnar reglulega, síðasta sunnudag í mánuði, frá hausti til vors.

(Eftir séra Gísla Jónassyni. Úr www. kirkjan.is 27/9 2007)

Athugasemdir

[Jóhanna Magnúsar- og Völudóttir , 1.10.2007 kl. 21:35]

Sæll Toshiki, Mér þykja Tómasarmessur skemmtileg viðbót í ,,messuflóruna" .. Mér finnst alltaf skemmtilegast að segja frá því að þegar börnin mín sem eru tvíburar áttu að fara að fermast (fyrir 7 árum síðan) fór ég með þau í mismunandi messur til að kynna þær fyrir þeim. Þar á meðal Tómasarmessu. Það sem var áberandi var að þeim fannst tíminn líða mun hraðar í Tómasarmessu en í hefbundinni messu, samt var Tómasarmessan a.m.k. 1/2 tíma lengri. Unglingar sáu um messusöng, hljóðfæri voru óhefðbundin og margt var að gerast sem hélt athygli ungmennanna.

[Ólafur Björn Ólafsson, 1.10.2007 kl. 22:59]

Sæll.

Ég held að spurningin komi sjálfkrafa þegar maður er mættur til prestsins, þannig að það eina sem þarf er að taka skrefið.

Þetta er hlutur sem hjálpar mér, að þora að taka skrefið.

Verð svo að viðurkenna að ég er ekki mjög trúrækinn maður, það er ef trúrækni felst í að mæta til messu oft á ári, þannig að Tómasarmessa er eitthvað sem ég hef aldrey mætt til.

[María Anna P Kristjánsdóttir, 2.10.2007 kl. 11:47]

Mér hefur alltaf fundist Tómasarmessa áhugaverð,hef lesið smávegis um þetta en ekki mætt í messu,ætti kannski að gera það.

[Toshiki Toma, 2.10.2007 kl. 13:13]

Kæru bloggvinir,
Já, endilega komið og veroð saman í Tómasarmessu !!
Nú, er ég eins og prestur.... stundum.

[Þóra I. Sigurjónsdóttir, 3.10.2007 kl. 02:19]

Hæhæ.  Já gott að minna á Toshikimessu, hihihi eða var það Tómasarmessu?  Þær eru svo yndislegar.  Það er orðið langt síðan ég hef farið, nú ætla ég að fara að drífa mig aftur í Tómasarmessu.

Takk fyrir að minna á þetta

Kær kveðja, Þóra

p.s. ég er reyndar viss um að Toshikimessurnar eru mjög góðar líka

[Toshiki Toma, 3.10.2007 kl. 11:05]

Sæl, Þóra.
Já, kannski hittumst í Tómasarmessu næstu?

[Þóra I. Sigurjónsdóttir, 5.10.2007 kl. 00:20]

Heyrðu það getur bara vel verið!

Langar að fara mér finnt mjög gaman í Tómasarmessu,

stefni á að fara næst, heldurðu að þú myndir þekkja mig hihihihi?