Unglingar mótmæla kynþáttafordómum og fræða okkur!

Í dag, þriðjudaginn 18.mars, Kl. 16 munu Hara-systur og Smáralind taka höndum saman við eftirfarandi samtök og standa að viðburði í Smáralind gegn kynþáttamisrétti. Hara-systur troða upp og ungt fólk býður upp á fjölmenningarsspjall, sælgæti, boli með lógó og barmmerki.
Unglingar mála sig á skemmtilegan hátt og dreifa gestum fræðsluefni!!

Tilefnið er Evrópuvika gegn kynþáttamisrétti sem hófst 15. mars sl. og hverfist um alþjóðadag gegn kynþáttamisrétti, 21. mars.

Til að vinna gegn misrétti og fordómum í garð fólks af erlendum uppruna á Íslandi taka eftirfarandi samtök þátt í Evrópuviku gegn kynþáttamisrétti með ýmsum hætti.

Mannréttindaskrifstofa Íslands, Þjóðkirkjan (m.a. ÆSKÞ, ÆSKR, miðborgarprestur og prestur innflytjenda), Rauði krossinn (m.a. URKÍ og URKÍR), Ísland Panorama, Soka Gakkai, Alþjóðahús, Amnesty International Íslandi og Samtök Rætur í Ísafirði.

Allir hjartanlega velkomnir!!

Athugasemdir

[Ásthildur Cesil Þórðardóttir, 18.3.2008 kl. 13:32]

Það er frábært.  Og gaman að unga fólkið skuli vera í fararbroddi. 

[Birna Dis Vilbertsdóttir (IP-tala skráð) 18.3.2008 kl. 21:46]

Komst ekki var að vinna en framtakið er gott

[Ungmennadeild Rauða krossins í Reykjavík (URKÍ-R), 19.3.2008 kl. 11:31]

Flott mynd af gær-deginum á forsíðu 24 Stunda í dag

[Jón Sigurgeirsson , 19.3.2008 kl. 12:39]

Það er hætt við að fordómar eigi eftir að aukast á næstunni þegar fer að þrengja að í þjóðfélaginu. Það er rétt að leita allra leiða til að sporna við þvi. Ég tel að kynþáttafordómar eigi rætur að rekja bæði til þeirra sem eru af minnihluta kynþætti og hinna sem telja sig tilheyra meirihlutanum. Ég tel eftirfarandi atrið skipta máli varðandi minnihlutahópa.

1. Þeir læri íslensku.

2. Þeir leiti eftir sambandi og vináttu við meirihlutann þ.e. blandist inn í þjóðfélagið og taki þátt í því.

3. Læri um sögu þjóðarinnar og hugsunarhátt.

 Gott dæmi um þetta er þú - Þú fellur að mínu mati inn í íslenskt samfélag vegna þess að þú ert fullur þátttakandi með afbragðs Íslenskuþekkingu. Ég sá frétt af konu af erlendu bergi brotna sem hélt jónfrúarræðu í borgarstjórn og talaði eins og hún væri hér fædd. Þessir einstaklingar ættu að auka skilning okkar og víðsýni.

Þegar einstaklingur fæðist hér á hann rétt á dýrri skólagöngu. Þegar einstaklingur flitur hingað fær hann lítið - Mér finnst lágmark að hann fá tækifæri til að læra málið sér að kostnaðarlausu og annað sem hjálpar honum að aðlagast í nýju landi. Þannig vinnum við gegn fordómum.

[Nanna Katrín Kristjánsdóttir, 19.3.2008 kl. 17:59]

Þetta var frábært Takk fyrir mig

[Nanna Katrín Kristjánsdóttir, 19.3.2008 kl. 18:00]

Ps. Jón held að það sé líka undir okkur komið að taka á móti fólkinu og bjóða það velkomið.  Sá þáttur gleymist oft en er ekki síður mikilvægur.

[Toshiki Toma, 19.3.2008 kl. 20:17]

Takk fyrir athugasmdir og skoðanir , kæru vinir.

Mér finnst það afar mikilvægt að innflytjendur taka þátt í þjóðfélaginu og þarna 
þarfnast fyrirhafnar beggja megin, innflytjenda og Íslendinga.  

[Ólína Kjerúlf Þorvarðardóttir, 19.3.2008 kl. 22:40]

Gleðilega páska.