Nágranni

Flest þekkjum við dæmisöguna um miskunnsama Samverjann nokkuð vel. Þetta er dæmisaga sem Jesús notaði til þess að kenna okkur hver sé náungi okkar, en stundum sýnist mér að sagan sé misskilin þannig að við höldum að Jesús sé að segja að við skulum veita fólki í erfiðleikum hjálparhönd. Sönn áminning dæmisögunnar er hins vegar þessi: ,,Þegar við skilgreinum nágranna okkar á einhvern hátt t.d. eftir stéttaskiptingu í samfélaginu, þjóðerni eða siðvenju, þá föllum við í fordóma og mismunun, þar sem skilgreining um nágranna okkar er sjálfkrafa skilgreining um það hverjir séu ekki nágrannar okkar. Því við eigum að vera nágrannar sjálf fremur en að velja okkur nágranna“.

Fordómar og mismunun, hvort sem um er að ræða kynþáttamisrétti eða annars konar mismunun, fylgir röksemd sem stendur á rangri forsendu eða illum huga. Gallupkönnun á Íslandi fyrir nokkrum árum sýndi að töluverður hópur í þjóðfélaginu vill ekki hafa múslima og geðsjúklinga í nágrenni sínum og einnig sjást fjölmörg dæmi um neikvæða umfjöllun um múslima eða útlendinga í fjölmiðlum og í netheimi. Hver sem ástæðan er sem liggur að baki þess viðhorfs, má segja að slíkt er einmitt tilraun til þess að skilgreina það ,,hverjir eru nágrannar okkar og hverjir ekki“ eða hitt að menn vilja ,,velja nágranna sína“.

Ég ætla ekki að neita því að það gerist stundum í lífi okkar að við mætum einstaklingi með sérstök vandamál, eins og neyslu eiturlyfja eða ofbeldisfulla framkomu, og við viljum því ekki eiga í miklum samskiptum við hann. En það er stór munur milli þessa tveggja, annars vegar að bregðast við áþreifanlegum vandamálum sem eru til staðar í raun og hins vegar að alhæfa svo um hóp manna í þjóðfélaginu að við afþökkum öll samskipti við einstaklinga úr þeim hópi. Síðar nefnda eru bókstaflegir fordómar sem ekki er hægt að fela undir forsendum forvarna. Forvarnarstarf leiðir okkur í meira öryggi og uppbyggingu betra samfélags, en fordómar skapa aðeins hatur meðal manna og aukið misrétti.

Fordómar og mismunun eru oftast hugsuð frá sjónarhorni þolenda þeirra. En í þessari smágrein langar mig líka að benda á hina hlið málsins, sem er það að ef haldið er fast í fordóma og mismunun þá skaðar það mannkosti þess sem ber slíkt með sér. Ef maður lætur fordóma sína vera, munu þeir stjórna manni algjörlega með tímanum og búa til sjálfsréttlæti og sjálfsánægju, eins og fræðimennirnir eða farísearnir sem Jesús gagnrýnir oft í Biblíunni. Að lifa í sjálfsréttlæti og sjálfsánægju er langt frá hinu eftirsóknarverða lífi kristinna manna og þeirra sem virða dýrmæti mannlífsins.

Nú stendur yfir átak sem er Evrópuvika gegn kynþáttafordómum og misrétti og lýkur henni þann 23. mars, á páskadegi. Ég óska að sérhvert okkar hugsi um eigin fordóma og meti mikilvægi þess að verða nágranni þeirra sem búa í sama samfélagi.

-Birtist í Fréttablaði 20. mars-

Athugasemdir

[Aida., 20.3.2008 kl. 10:38]

Hjartanlega sammála.

Þó við séum kristin þjóð lifum við ekki i anda krists.

[Birna Dis Vilbertsdóttir (IP-tala skráð) 20.3.2008 kl. 12:15]

Góð færsla

[Guðjón Sigþór Jensson, 20.3.2008 kl. 13:43]

Eitt það allra athyglisverðasta og fegursta í kristinni trú eru dæmisögurnar (fabúlurnar) sem hafðar eru eftir Jesúm. Ef þær væru ekki í Biflíunni, þá myndi sitt hvað mikilsvert skorta.

Gleðilega páska og gangi þér allt í haginn!

Mosi

[Ásthildur Cesil Þórðardóttir, 20.3.2008 kl. 22:13]

Ef maður hefur kærleikan og umburðarlyndið í farteskinu skiptir ekki máli hvaða trú við aðhyllumst.  Því kærleikurinn og umhyggjan gagnvart öðrum þekkir engin landamæri.  Það er mín prívat skoðun.

[Toshiki Toma, 20.3.2008 kl. 22:52]

Sæl Ásthildur, takk fyrir athigasemdina þína.

En hvenær hef ég sagt í greininni minni að það skiptir máli að hvers konar trú maður
er með?  Mig langar til að spyrja þig af hverju þú skilaði þessari athugasemd.

[Þórarinn Þ Gíslason (IP-tala skráð) 21.3.2008 kl. 05:36]

Já, þetta er góð færsla og ég aðhyllist því sem að hún Ásthildur segir.

Takk fyrir.

[Toshiki Toma, 21.3.2008 kl. 09:42]

Sæl, bloginga.

Takk fyrir skoðun þína. Það er ekki erfitt að ímynda mér ef útlenskir karlmenn 
líta þig niður aðeins vegna þess þú ert kona. Þeir mega ekki haga sér svona.
Hins vegar af hverju þarftu að hugsa í þeirri mynd af "Íslendinga - innflytjendur"?
Ég sé enga þörf að maður verði að hugsa í slíkri mynd þegar fordómar og msmunun eru að ræða.
Og því miður er það mér augljóst að þú skildir ekki pitsilinn minn.  

[Toshiki Toma, 21.3.2008 kl. 11:27]

Liðrétting:
Ég skrifaði áðan "að er ekki erfitt að ímynda mér ef útlenskir karlmenn
líta þig niður aðeins vegna þess þú ert kona".
Ég gleymdi einni setningu og þetta ætti að vera "að er ekki erfitt að ímynda mér að þér liður illa ef útlenskir karlmenn líta þig niður aðeins vegna þess þú ert kona".
Sorry.

[Ragnhildur Jónsdóttir, 22.3.2008 kl. 11:50]

Virkilega þörf áminning, eiginlega því miður. Við mannfólkið ætlum seint að læra að við erum öll systkin(nágrannar).

Gleðilega páska Toshiki

[Steinunn Helga Sigurðardóttir, 23.3.2008 kl. 14:05]

Blessi þig í PáskaLjósið

steina

[Sigurður Árnason, 26.3.2008 kl. 13:14]

Sæll Toshiki

Ég get talið mig sjálfan vera Fordómalausan einstakling, Þótt maður hafi áður geta fallið í gryfju fáfræðinnar, en þó ég geti sagt að ég sé ekkert allt of hrifin af Íslam , þá er það ekki vegna fordóma, því ég hef kynnt mér trúarbragðið vel og ég á sjálfur vini sem eru múslimar, en ég er á móti stefnunni í trúarbragðinu. Þetta er það sem ég held að fólk eigi til að misskilja hjá sumum sem gagnrýna Íslam. En það fólk sem er á móti innflytjendum hugsar oft ekki út í það að við Íslendingar erum líka innflytjendur í öðrum löndum og þar viljum við að sé tekið vel á móti okkur og það eigum við sömuleiðis gera við þá sem flytja hingað. En ég tel að allar hefðir sem líðast í öðrum löndum sem við teljum siðferðislega rangar eins og fjölkvæni, ofbeldi gagnvart konum þótt í seinasta tilviki eigum við taka hart á og ekkert gefa eftir þótt það sé í lagi í landi innflytjandans. Við eigum að vernda innflytjendur alveg eins og við mundum verja landann.En vitleysan eins og þú segir er að dæma alla fyrir gjörðir nokkura. Góður pistill annars:)

Kveðja Sigurður 

[Guðni Már Henningsson, 26.3.2008 kl. 23:09]

Takk fyrir fína pistil. Minni á orð Jesú: : ,,Elska skalt þú Drottin, Guð þinn, af öllu hjarta þínu, allri sálu þinni, öllum mætti þínum og öllum huga þínum, og náunga þinn eins og sjálfan þig.``