Til þín, sem ert farin

                
                


Til þín, sem ert farin


Tár í augum mínum
ættu að vera vegna þakkar
fremur en dapurleika,
því ég þekkti þig
ekki sem hluta af sögunni
heldur samlanda

sem horfði upp á sama himin
og sigldi yfir sama hafi
í örstuttum tíma á jörð
sem okkur var gefinn


Þú varst yndi, sterk og heit
grófst upp fræplöntu
úr frosinni mold
sem þakti hjarta mitt
og hlífðir henni
þar til blómkrónur bárust

Í kulda á norðureyju
held ég fast í blómið
þangað til himinninn opnast
einnig fyrir mér



                        - í minningu Izumi Sakai, ZARD,  söngvara okkar -

                                                                                          (TT jan. 2008)  


www.zard.co.jp

 

Athugasemdir

[Sigga, 15.1.2008 kl. 12:57]

Afskaplega fallegt!

[Sigurður Hreiðar, 15.1.2008 kl. 15:10]

Þakka þér fyrir þetta ljóð, Toshiki, sem vekur hugsun um hvað var, hvað er og hvað verður. Því blóm gróa líka í kulda á norðureyju, hvort sem hún er í Atlantshafi eða Kyrrahafi.

[Linda Ósk Sigurðardóttir (IP-tala skráð) 15.1.2008 kl. 18:26]

MIkið er þetta fallegt ljóð, takk fyrir að deila því með okkur

[María Kristjánsdóttir, 15.1.2008 kl. 19:04]

Ég þakka líka fyrir og óska þér gleðilegs árs.

[Edda Agnarsdóttir, 15.1.2008 kl. 19:04]

 Sorglegt en fallegt.

[www.zordis.com, 15.1.2008 kl. 21:19]

Fallegt ljóð hjá þér sem hefur góðar minningar!

[Ester Sveinbjarnardóttir, 15.1.2008 kl. 21:24]

Við eigum vissulega að þakka fyrir það góða og opna hjarta okkar fyrir gleðinni og miðla henni meðal samferðafólks okkar.  Fallegt ljóð.

[Úlfar Þór Birgisson Aspar, 15.1.2008 kl. 23:01]

Yndislegt ljóð.

[Toshiki Toma, 16.1.2008 kl. 10:59]

Kæru vinir, þakka ykkur fyrir hlýju kveðjurnar.

Mig langar að bæta aðeins um Izumi Sakai.
Hún var söngvari í Japan, sem lést í síðasta sumar. Hún var í hljómsveit sem hét “Zard” og þjóðarkunnugur söngvari. Izumi var aðeins 40 ára þegar hún lauk lífi sínu.

Á meðan ég var í Japan núna, sá ég nokkra sjónvarpsþætti sem fjölluðu um helstar fréttir á árinu og það kveikti minningu til hennar inni í mér. Að sjálfsögðu þekkti ég ekki hana persónulega, en hún var sérstaklega “loved” af mörgum okkar Japana. Hún var mjög gefandi og hvetjandi til fólks undanfarin 16 ár, þegar Japan var í erfiðum tíma efnahagslega og samfélagslega (terrolism, Kobe jarðskjálfti o.fl.).
Flest okkar sættast við að kalla hana “most beloved J-pop singer in 90´s”.
Eftir að hún var farin kom það í ljós að hún var að berjast við krabbamein á undanfarin ár en enginn nema nánastu aðstandendur hennar vissi um þá baráttu hennar.

Þetta er í fyrsta skipti fyrir mig að semja ljóð í slíku tilefni en mér fannst það ekki auðvelt þar sem það er svo eðlilegt að vera bara “sentimental” en einnig var það svo erfitt að taka eftir slíku sjálfur.

[Svava Gísladóttir (IP-tala skráð) 16.1.2008 kl. 11:42]

Kæri Toshiki.

Takk fyrir þetta yndislega fallega ljóð.

Hef aldrei skrifað inn á síðuna þína áður. en les hana mjög oft

kær kveðja

Svava

[Toshiki Toma, 16.1.2008 kl. 15:51]

Sæl, Svava.
Þakka þér fyrir kveðjuna þína. Endilega skilaðu athugasemd eða öðru bara hvenær sem 
er.   

[Sigurlaug B. Gröndal, 16.1.2008 kl. 23:07]

Mikið er þetta fallegt ljóð, Toshiki. Þú hefur einstakan hæfileika að setja í orð hárfínar tilfinningar, svo myndrænar. Eru ekki til enn eintök af ljóðabókinni þinni?. Kær kveðja. Silla.

[Toshiki Toma, 17.1.2008 kl. 09:35]

Þakka þér fyrir Sihurlaug.
Já, eintak ljóðabókar er til hjá mér.
Ef þú vilt eiga það, vinsamlegast sendu mér tölvupóst í [e-mail]  

[Greta Björg Úlfsdóttir, 19.1.2008 kl. 15:35]

Þetta er mjög fallegt ljóð, um yndislega persónu.

Þetta ljóð snertir enn frekar streng í brjósti mínu, þar sem ég kvaddi pabba minn við útför hans í gær. Hann var líka svona mjög svo gefandi einstaklingur, eins og þessi unga kona, og skilur eftir sig ótal góðar minningar, og heilræði, til okkar sem eftir lifum. 

[Helga Guðrún Eiríksdóttir, 20.1.2008 kl. 19:43]

Öll erum við smáblóm eilífðarinnar. Tilbiðjum Guð okkar og deyjum. Hittumst svo aftur í blómagarði almættisins - mörgum til mikillar undrunar.

Takk fyrir ljóðið, mér fannst það fallegt.