24 ára reglan í útlendingalögum fari í ruslpoka!

Samkvæmt fréttagrein 24 stunda í dag, verður 24 ára reglu í núverandi útlendingalögum hentað út á næstunni.

Ég fagna því hjartanlega sem einn af mótmælendum frá upphafi af umræðu um þetta mál, þó að það hafi tekið alltof langan tíma hjá stjórnvöldunum til að komast í þessa “skynsamlega” niðurstöðu.

Hins vegar virðist dómsmálaráðherra að bæta nokkru ákvæði varðandi málamyndahjúskap í staðinn fyrir 24 ára regluna.
Ég er ekki búinn að sjá breytingatillögu eða nýtt frumvarp um útlendingalög, því ég get ekki sagt neitt meira en þetta núna, en ég vil endilega fylgjast með því sem kemur upp næstu daga.


24 ára reglan í breyttri mynd

24 ára reglan verður felld brott úr útlendingalögum í núverandi mynd ef frumvarp sem dómsmálaráðherra leggur fram og er til umræðu í þingflokkum stjórnarflokkanna verður samþykkt.
Í staðinn verður bætt við ákvæði um að ávallt skuli skoða hvort um málamyndahjúskap sé að ræða ef hjón eru undir 24 ára aldri, að sögn Björns Bjarnarsonar dómsmálaráðherra. (.......)

Eftir Þóru Kristínu Þórsdóttur, -16. janúar 24 stundir bls. 2.-

Athugasemdir

[Valdimar Samúelsson, 16.1.2008 kl. 14:29]

Ert þú að tala eða með skoðun sem Íslendingur eða útlendingur. Ef þú talar sem íslendingur þá ættir þú að sjá fyrir þér flóð að útlendingum eftir píramída lögmálinu. Það þarf oft að vera vondur til að vera góður.

[Anna Karlsdóttir, 16.1.2008 kl. 22:04]

Mikið er ég sammála þér Toshiki!

Góðar kveðjur

[María Kristjánsdóttir, 17.1.2008 kl. 08:49]

Ég segi eins og Arró hef aldrei skilið þessa 24 ára reglu, af hverju yngra fólk er líklegra til að giftast til málamynda. Og það er einhver forræðishyggja og eftirlitssýki í þessu "ávallt skal skoða hvort um málamyndahjúskap sé að ræða" sem mér fellur ekki. Þarf þá ekki að taka um heildarskoðun á því af hvaða ástæðum fólk yfirleitt gengur í hjónaband?

[Valdimar Samúelsson, 17.1.2008 kl. 09:45]

Arró minn.

Sérðu Íslendingar eru seinþroskaðir sem sést á skólagönguferli sem byrjar eftir að fólk er orðið gift og bundið við fjöldskildu.

Stelpukjánar meir en strákar finnst spennandi að giftast og helst mönnum af öðrun stofni. Mest spennandi ef þeir eru biksvartir. Þetta skeður erlendis og oft borgun fyrir þ.e. málamyndahjónaband.

Það er gott að vera blindur og heyrnarlaus og kalla þá rasista sem vilja halda sínu landi sem forfeður okkar treystu okkur fyrir handa næstu kynslóð. Það er meira en óskert náttúran sem við áttum að færa  næstu Íslensku Kynslóð. 

[Toshiki Toma, 17.1.2008 kl. 09:47]

Hæ, Anna, Arró og María.
Það er nokkur forsaga til um 24 ára regluna. Ég skrifaði frekar mikið 
um hana þegar hún var í umræðu á árinu 2004.
Það er hægt að skoða þau í www.toma.is (greinarsafn / samfélagsmál) ef þið hafið 
áhuga. 
En mig langar til að benda á eitt atriði: 24 ára reglan var til þess að hindra nauðungarhjónabandi upphafslega, samkvæmt rökstuðningi dómsmálaráðherra.
En það kom í ljós í umræðu Í Alþingi að slíkt dæmi hefði gerst aðeins 3 sinnum á Íslandi. 
Síðan breytist tilgangur 24 reglunnar í að hindra málamyndahjónabandi 
án þess að útskýra það formlega. Af hverju 24 ára? Það var aldrei rökstödd. 

[karl (IP-tala skráð) 19.1.2008 kl. 16:28]

Segðu okkur nú eitt Tosaki. Viltu ekki að hér séu neinar hömlur á hverjir eða hve margir geti komið til landsins? Og hvað td með þá sem koma hingað og brjóta alvarlega af sér,á að vísa þeim úr landi?

[Margrét Birna Auðunsdóttir, 20.1.2008 kl. 17:34]

"Stelpukjánar meir en strákar finnst spennandi að giftast og helst mönnum af öðrun stofni. Mest spennandi ef þeir eru biksvartir. Þetta skeður erlendis og oft borgun fyrir þ.e. málamyndahjónaband. "

Málflutningur Valdimars hér að ofan segir allt sem segja þarf. Það er bara til að spilla fyrir skynsamlegri umræðu að setja fram svona viðhorf sem lýsa fordómum og fáfræði. Enda segir máltækið að heimskt sé heimaalið barn. Valdimar ætti kannski að kíkja út fyrir landsteinana, það eykur víðsýni og kemur í veg fyrir heimsku.