Evrópuvika gegn kynþáttamisrétti 15. - 23. mars 2008

Í dag, 15. mars, hefst Evrópuvika gegn kynþáttamisrétti sem hverfist um alþjóðadag gegn kynþáttamisrétti, 21. mars. Allsherjarþing Sameinuðu þjóðanna valdi daginn í minningu 69 mótmælenda myrtir voru 21. mars 1960 er þeir mótmæltu aðskilnaðarstefnu stjórnvalda í Suður-Afríku. Evrópuvikan miðar að því að uppræta mismunun, fordóma og þjóðernishyggju í álfunni og stuðla þannig að umburðarlyndu Evrópusamfélagi þar sem allir eru jafnir, óháð útliti og uppruna.

Birtingarmyndir kynþáttamisréttis eru ólíkar eftir löndum og menningarsvæðum en kynþáttamisrétti nær yfir vítt svið - allt frá fordómum til ofbeldisverka. Kynþáttamisrétti á Íslandi birtist helst í útlendingafælni og duldum fordómum gagnvart fólki af erlendum uppruna en hefur því miður nýlega einnig brotist út í ofbeldi. Fordómarnir birtast einkum í hversdagslífinu - þegar talað er niður til þeirra sem ekki eru skilgreindir sem ,,hreinir” Íslendingar og þeir fá lakari þjónustu og atvinnu.

Á síðustu mánuðum hafa málefni innflytjenda verið ofarlega á baugi og það er áhyggjuefni hversu mjög hefur borið á fordómum og útlendingafælni í umræðunni. Í árslok 2007 voru erlendir ríkisborgarar 6,8% af heildarmannfjölda á Íslandi; það er staðreynd að íslenskt samfélag er fjölmenningarlegt og því verður ekki breytt.

Til að vinna gegn misrétti og fordómum í garð fólks af erlendum uppruna á Íslandi taka Mannréttindaskrifstofa Íslands, Þjóðkirkjan, Alþjóðahús, Amnesty International, Rauði krossinn, Ísland Panorama og Soka Gakkai Íslandi þátt í Evrópuviku gegn kynþáttamisrétti með ýmsum hætti.

Þriðjudaginn 18.mars, Kl. 16 munu Hara-systur og Smáralind taka höndum saman við ofangreind samtök og standa að viðburði í Smáralind gegn kynþáttamisrétti. Hara-systur troða upp og ungt fólk býður upp á fjölmenningarsspjall, sælgæti og barmmerki.

Allir hjartanlega velkomnir.

          
             - Fréttatilkynning frá stýrahóp verkefnisins -

Athugasemdir

[Birna Dis Vilbertsdóttir (IP-tala skráð) 15.3.2008 kl. 18:04]

Gott mál þeta verkefni.Annars takk fyrir síðast.Kveðja

[Toshiki Toma, 16.3.2008 kl. 15:05]

Sæl, Birna.
Takk sömuleiðis fyrir síðast.

[Umhugsun (IP-tala skráð) 17.3.2008 kl. 10:58]

Sæll Toshiki,

Það er alltaf gaman af innleggi þínu í þjóðmálaumræðuna og þú ert til fyrirmyndar og öðrum til eftirbreytni sem viðmið. Þú ert skínandi dæmi þess hvernig útlendingur getur aðlagast íslenskt samfélag og tekið þátt á íslenskri tungu sem flestir sem hingað koma virðast forðast (þetta gætu verið fordómar en þetta er mín tilfinning).

Ég verð að segja að mér finnst það einkar skemmtilegt að vita til þess að þú ert af Japönsku bergi brotinn. Ég ber mikla virðingu fyrir Japönum og ég tel okkur íslendinga eiga margt sameiginlegt með Japönum hvað varðar sögulegar rætur og þankagang. Japönsk menning byggir einmitt á mjög svipuðum gildum og sú íslenska þ.e. heiðri, frændsemi og sæmd. Víkingarnir hjá okkur og Samúraí menningin í Japan. Svo má ekki gleyma því að bæði Japanir og Íslendingar eru eyjaskeggjar.

Mér þætti gaman að heyra hvernig tekið er á móti útlendingum í Japan og hvað við íslendingar gætum lært af vinum okkar í austri til þess að gera samfélag okkar hér í Norður Atlantshafi jafn friðsælt og umburðalynt og Norður Kyrrahafsbúar?

Kv,

Umhugsun.

[Toshiki Toma, 17.3.2008 kl. 11:31]

Sæl/l, Umhugsun.
Takk fyrir athugasemd og pælimgu þína.
þetta er mjög stór spurning varðandi móttöku útlendinga í Japan. É verð að segja að 
yfirleitt - yfirleitt - að við Japanir eru brosandi við evrópubúa og norðurameríkabúa, en 
sýnum mikla óvirðingu fyrir asíu- og afríkubúa. Þetta er sorgleg staðreynd en að vissu leyti satt. T.d. for ég nokkrum sinnum
í Imigration í Japan með konunni minni fyrrverandi og þarna vitnaði ég hvrnig starfsfólk
hagaði sér öðruvísi eftir því að hvaðan fólk var komið (konan mín fyrrverandi var íslensk).

Í Japan býr stór fjöldi af Kinverjum og Kóreubúum, sem fæddist í Japan og talar japönsku 
alveg eins og Japanir. Samt er þeim mismunað að mörum leyti, t.d.í menntun, atvinnu eða 
kosningarrétt. Japan er alls ekki fyrirmyndarþjóð þegar innflytjendamál er að ræða.

Hins vegar er Japanir mjög þveigjanlegir að taka á móti framandi menningu frá öllum
staðum í heiminum og hika ekki við að blanda framandi menningu við hefðbundna menningu
sína. Þetta er mjög stór ræðuefni og kannski á ég að stöðvast hér!!   
En endilega hafðu samband við mig aftur ef þú vilt ræðameira um málið. Símanúmerið eða netfangið hjá mér stendur í símaskrá. Ég er að
hjálpa í japönskuskor HÍ og mér finnst gaman að skipta skoðun um Japan við fólk á Íslandi!