Fylgjum Jesú gegn mismunun!

21. mars er alþjóðadagur gegn kynþáttamisrétti SÞ og þessi vika sem stendur núna er Evrópuvika gegn kynþáttafordómum. Í þessu tilefni langar mig að hugleiða hvort barátta gegn fordómum eigi erindi við trúarlíf hvers og eins okkar frá kristilegu sjónarmiði  mínu.

“Ég held að margir eigi í erfiðleikum með að skilja hvernig það er að vera fórnarlamb þegar ráðist er á mann fyrir útlit eða þjóðerni” skrifaði Dane Magnússon, formaður Félags anti-rasista, í grein sinni í Morgunblaðinu 10. mars sl. en sjálfur eru hann af erlendum uppruna.  
Ég er deili með honum þeirri skoðun að það er alls ekki sjálfgefið mál að fara í spor þolanda fordóma og mismununar og skynja sársauka hans, reiði og sorg.

Sjálfur hef ég margsinnis orðið vitni að því að fólk vilji ekki viðurkenna tilvist fordóma og mismunun í kringum sig þegar einhver hefur bent á þau og kvartað yfir þeim. „Þetta eru ekki fordómar. Þú ert farinn alveg yfir strikið,“ segja sumir í slíkum tilfellum án þess að velta málinu fyrir sér. 

Ég ætla hins vegar ekki að falla í þá gryfju að telja erfðileikana sem leiða til slíkra umkvartana um fordóma til þess að eðli mann sé óbreytilegt eða að einungis sé um örlög að ræða á hvorn veginn sem er. Svona séu einfaldlega samskipti á milli fólks og við því sé ekkert að gera. Það er rétt að það er að takmarkað sem við getum skilið af lífi og starfi annars fólks. Margir vita það af eigin reynslu, jafnvel í hjónalífi gætir oft skilningsleysis.

Það er jú erfitt verkefni að skilja annan mann, vonir hans og væntir, hefðir og hæfileika nægilega vel. Stundum látum við flakka setningar á borð við : „Karlmenn geta ekki skilið konur, því að þeir eru ekki konur,“ eða „Hvítir menn munu aldrei skilja þá þjáningu sem svertingjar mæta í heiminum.“ Það gæti verið rétt að nokkru leyti. En ég vil ekki stöðva hér, þar sem þessi orð geta verið neitun um frekari viðræðu. 

Guð gaf okkur frábæran hæfileika sem er nægur til að komast yfir erfiðleika á meðal okkar af gagnkvæmum skilningi. Það er ímyndunin um að setja sig í spor einhvers annars og reyna að finna þá tilfinningu sem það gefur manni. Hugsum um hve mikið af hlutum sem okkur finnst réttir er í raun ekkert annað en ímynd okkar og ágiskun. Við skulum því alls ekki vanmeta þennan hæfileika okkar en vandi okkar er að nota hann rétt.

Fyrir okkur sem trúum á Jesú Krist þýðir þessi hæfileiki jafnvel meira. Að ímynda okkur tilvist Jesú fyrir augum okkar og íhuga hvað Jesús mun segja okkur og gera gefur okkur sífellda speki lífsins sem næst ekki aðeins með okkar eigin þekkingu. Þetta er kannski trúarleg upplifun sem er sameiginleg meðal allra frá sunnudagsskólabarni, fermingarbarni til eldri prests sem er með 40 ára reynslu í prédikunarstóli.
Og þannig erum við sannfærð að tilvist Jesú er ekki bara ímyndun okkar heldur er hann áhrifmikill raunveruleikur í trúarlífi okkar. 

En til þess að ímynda okkur tilvist Jesú og íhuga hvað hann myndi segja og gera, þurfum við að hlusta á orð Jesú í Biblíuinni og læra um framkomu hans. 
Hvað segir Jesús um fordóma eða mismunun?
Áður en við leitum að orði Jesú og framkomu sem gæti verið fyrirmynd okkar til að berjast við fordóma, hugsum aðeins um merkingu hugtaksins fordómar. Hvað eru fordómar?  

Fordómur er “ógrundaður dómur eða skoðun” í orðabók. Eða svo ég útskýrir fordóma aðeins betur: : “að taka eitthvað sem sjálfsagðan hlut / sjálfgefinn sannleika án þess að skoða hvaða merking liggur þar að baki”.

En núna langar mig að skilgreina fordóma út frá kristilegu sjónarmiði. Mér finnst við mega segja: “fordómar eru að fara fram hjá persónuleika einstaklings og eiginleikum og gefa honum dóm sem var fyrirfram búinn til á öðrum stað.“

Ég held að einn kjarni kristinnar trúar er að horfast í augu við persónuleika manns og eiginleika. Við getum lært það af framkomu Jesú í guðspjöllunum. Þar var fólk frá mismunandi stétt og samfélagslegri stöðu í kringum Jesú. Sakkeus yfirtollheimtumaður, hundraðshöfðingi, vændiskona, Nikódemus farísei og þingismaður, ríkur ungmaður o.fl. Það má koma fram sérstaklega að Jesús heimsótti sjálfur fólk sem var sett var utangarðs í samfélaginu á þeim tíma. Jesús talaði við alla þessa í einlægni. 

Við allir þekkjum söguna um kanversku konuna. Fyrst hafnaði Jesús ósk hennar eftir hefðbundnum skilgreiningi Gyðingdóms þeirra tíma. En þegar konan hélt áfram og sýndi Jesú einlæga trú sína, hrósaði hann konunni og gaf náð sína: „Kona, mikil er trú þín. Verði þér sem þú vilt.“ Jesús skildi sársauka konunnar og setti persónuleika kanversku konunnar, eiginleika og trú, sem Jesús vitnaði sjálfur, hærri en samfélagsleg skynsemi og skilgreining.

Mér finnst þessi framkoma Jesú vera geta verið fyrirmynd okkar þegar við reynum að íhuga baráttu okkar við fordóma og mismunun. 

Einkenni fordóma og mismununar, sem virðist vera sígild allan tíma og allar staðar, er að gerendur fordóma og mismunar hugsa varla um málið, en skynjun þolenda er mjög viðkvæm. Gerendur gleyma málinu fljótt, en þolendur aldrei. Augljóst er að gerendur skortir á ímyndunarfl og geta ekki sett í spor fólks og fundið til sársauka þess. 

Á föstu íhugum við sársauka Jesú á leiðinni til Golgata og á krossinum. En sársauki Jesú leiðir okkur um leið til íhugunar um sársauka náunga okkar, þar sem að fara fram hjá sársauka náunga er ólíklegast í hugboði Jesú og framkomu. Barátta gegn fordómum og mismunun er barátta í trúariðkun okkar sem fylgjum Jesú. 

Athugasemdir

[Jónas Jónasson, 19.3.2009 kl. 09:59]

Hvar er Guð? Lýðræði, fiður og sátt ríkir meðal framliðinna sem fóru ekki með nöfn sín yfir móðuna miklu. Nafnið þitt er bara blekking  ásamt kennitölunni þinni þar sem þú ert eign kirkju og bankaveldis og greiðir þangað allt þitt fé. Okkur var það kennt að óttast eitthvað sem enginn hefur séð og lifir bara inni í hugarheimi innréttuðum af trúarreglunum.

Þeir kenndu okkur að lesa og skrifa svo við gætum borið út lygina og greitt þeim fé til kirkjunnar og svo opnuðu þeir banka líka.

Við erum bara ein dýrategund sem náttúran er að reyna að fullkomna og virðumst hafa tapað okkur í einhverju trúarrugli og erum að reyna að ræna völdum frá náttúrunni, það mun aldrei takast því náttúran mun bara styrkjast á því að við munum drepast. 

Þú ert bara ávöxtur náttúrunnar og hugur þinn er bara viðbragðsverkfæri sem gerir þér kleift að veiða þér til matar.

það er ekkert þarna. Því meir sem þú talar því minna veistu en ef þú veist eitthvað þá er ekkert að segja. 

[Toshiki Toma, 19.3.2009 kl. 10:14]

Sæll, Jónas. Þú mátt tjá þig alveg eins og allir aðrir. En ég bið þig kurteisilega um að gera það í eigið bloggi þínu, sem hugsanlega skoðar örfátt fólk. Mér finnst þú misnota bara bloggsiðu annars manns. Ég afþakka fleiri athugasemdir frá þér.  

[DoctorE (IP-tala skráð) 19.3.2009 kl. 10:17]

Sorry Toshiki en Jesú studdi kynþáttafordóma... kallaði konu hund og ég veit ekki hvað og hvað.

Hættum að tala um súpergaura, berum ábyrgð á okkur sjálfum.
Ekki styðja það sem aðskilur okkur sem manneskjur

[Toshiki Toma, 19.3.2009 kl. 10:36]

 Sæll, DoctorE. Ég veit að þú ert ekki í kristinni trú og ég held gagnrýni þín að kirstni sé ekki allar bullar. Raunar finnst mér ýmis gagnýni trúlauss fólks vera réttmælt.

Hins vegar eigum við trúarðir rétt að tjá skoðun okkar í friði á viðurkenndan hátt í samfélaginu og ég vil ekki einhver sem er með sérstaka andúð gegn "trú" notar sérhvert tkifæri til að ráðast á "trúarlega tjáningu". Fólk verður að skilja línu milli á málfrelsis og "harassment". Þetta segi ég til nokkurs trúaðra mana líka.

Eimmit eins og þú segir:"Ekki styðja það sem aðskilur okkur sem maneskjur".

[Ragnhildur Jónsdóttir, 19.3.2009 kl. 10:57]

Frábær grein hjá þér Toshiki, eins og þín er von og vísa Fordómar geta komið fram á ýmsa vegu og gagnvart ýmsum hópum samfélagsins. T.d fólki af öðru þjóðerni  og öðrum trúarbrögðum en líka gagnvart t.d "ljóskum", listamönnum, öryrkjum og fleirum. Þessir tveir hérna fyrir ofan eru greinilega illa haldnir af fordómum gegn trúuðum

Það þarf að tala um fordóma og vinna gegn þeim. Sjá það sem sameinar okkur, við erum öll manneskjur og eins í grunninn. Eins og einmitt Jesú sýndi með sínu lífi. Það hefur áreiðanlega þótt ansi undarlegur samtíningur af fólki sem hann umgeggst, hann talaði meira að segja við konur!  

Takk Toshiki, mér þykir alltaf gott að lesa bloggið þitt

[Sólveig Birgisdóttir, 19.3.2009 kl. 11:07]

Sæll Toshiki.

Ég var virkilega snortin af skrifi tínu og ákvað að takka tér fyrir tað, er ekki mikill bloggari. En takk fyrir pistilinn og gott að vera minntur á hvað við erum rík að eiga Jesú. Hvað varðar athugasemdirnar, tá minna tær harkalega á tað að tegar maður tjáir sig, tá fær maður alltaf viðbrøgð, hvort sem tau eru góð eða slæm.

[Jónas Jónasson, 19.3.2009 kl. 11:08]

hehe....  Stop thinking start living.

[Toshiki Toma, 19.3.2009 kl. 11:33]

Kærar þakkir, Ragnhildur og Sólveig. Ef þið eruð í bænum í dag, endilega kíkið í Smáralind eftir kl.16:00. Þá munið þið sjá marga unglinga sem eru gegn fordómum !!  

...og þeir eru ekki bara frá kirkju, heldur frá mismunandi stofnanum og samtökum eða einstaklingar frá heimili sínu  

[Ragnhildur Jónsdóttir, 19.3.2009 kl. 12:29]

Það væri gaman að athuga það Toshiki. Ætla að sjá hvort ég kemst alltaf gaman að sjá fólk framtíðarinnar gera góða hluti, maður fyllist von

[Sólveig Hannesdóttir, 19.3.2009 kl. 13:07]

Innleggið þitt er frábært. Takfyrir.

[Guðmundur St Ragnarsson, 19.3.2009 kl. 16:46]

Frábær pistill Toshika. Við getum öll líka tekið miskunnsama Samverjann okkur til fyrirmyndar.

Kveðja,

MUggi.

[Toshiki Toma, 20.3.2009 kl. 18:03]

Kærar þakkir, Sólveig og Muggi, fyrir hlý orð. 

Ragnhildur. komstu í Smáralind í gær?