Mér þykir gaman að íslenskum ljóðum

Lengi var ég búinn að vanrækja það að skrifa í bloggi mitt. Aðal ástæaða var sú að ég var úti nokkrar vikur en allavega vandist ég auðveldlega því að gera enga færslu í blogginu. 

En maður á að vera virkur a.m.k. í helstu áhugamálum sínum (annars hvers vegna lifir maður!?) og ég reyni að ýta mér svo að ég verði virkari aftur hér í blogginu.

Í vetur birti ég ljóð mitt sem hét “Blóm” hér: 

Blóm opnastí fyllingu tímans 

get ekki látið það flýta sér 

en kann að vökva 

og færa í sólargeisla 

kann að bíða 

jafnvel biðja 

Því mér er annt um blómið 

En ég var ekki ánægður með síðastu línu. Það er fáránlegt að segja “mér er annt um blómið” eða “mér þykir vænt um það”, þar sem það er augljóst ef maður les fyrstu línur að ég er hrifinn af blómið. 

Þannig var eg á leit við lokaorð í ljóðinu. Eftir þrjú mánuði fann ég loksins línuna sem hentar því. Nú er “Blóm” lítur út fyrir að vera eins og: 

Blóm opnast í fyllingu tímans 

get ekki látið það flýta sér 

en kann að vökva 

og færa í sólargeisla 

kann að bíða 

jafnvel biðja 

fyrir brosi yfir blómkrónum 

 

 

 

 

 

 

 

 

 

 

 

 

Vinsamlegast ekki misskilja mig. Ég er ekki að segja að þetta þjóð sé gott kvæði eða ég sé duglegur í ljóðagerð. (I cannot be that arogant!) 

Það sem mig langar að segja er að það er gaman að semja ljóð og leita að orði sem er rétt og ánægjulegt til að tjá tilfinningu sína og að deila því með öðrum, jafnvel fyrir útlenskan mann eins og mig!    

(Ég játa það að ég þurfti að fá aðstoð frá vini mínum og ljóðkennari minn, Davíð Stefánsýni til að tékka hvort væri rétt að segja “brosi yfir blómkrónum” eða “brosi yfir blómkrónur”. Ég kíkti í mörgum bókum en gat ekki fundið svar sjálfur.) 

Íslensk ljóð eru endalaus gamanefni fyrir mig og áhugaverð. 

Mmmmm, ég elska þau! 

Athugasemdir

[Siggi (IP-tala skráð) 18.6.2009 kl. 12:21]

 Ójá. Ljóð eru góð. Þú hefur náð aðdáunarverðum tökum á málinu. Gaman að vita hvort það séu til einhverjir Íslendingar sem geta ort svona á japönsku :-)

Læt fylgja með smá brot sem ég skrifaði um daginn. Svona upp á djókið.

Hafðu það sem allra best

-S

__________________________

fjörðurinn gler
æðurinn úar
fiskur skvettir sporði

dreg andann djúpt
strengur í hörpu
heimsins

brosi
í átt að
rísandi sólu

[Toshiki Toma, 18.6.2009 kl. 12:32]

Komdu sæll, Siggi.

Takk fyrir fallega brotið úr skrifum þínum. Þetta er ekki djók, heldur falleg lýsing í alvöru.

bestu kveðjur, TT

[Ragnhildur Jónsdóttir, 18.6.2009 kl. 19:35]

Fallegt ljóð Toshiki, mér finnst nýji endirinn alveg frábær og passar vel.

[Toshiki Toma, 18.6.2009 kl. 19:54]

Takk, Ragnhldur.

Gaman að heyra í þér!!

[sandkassi (IP-tala skráð) 19.6.2009 kl. 03:33]

fallegt hjá þér. Ekki veitir af þessa dagana. bkv

[Toshiki Toma, 19.6.2009 kl. 08:35]

Sæll, Gunnar.

Takk. Þú ert stöðugt mjög duglegur í færslu!

[Húsari. (IP-tala skráð) 1.7.2009 kl. 11:42]

Sæll Toshiki Toma!

" ...fyrir brosi yfir blómkrónum"

Ég hrífst af þeirri fallegu hugsun sem hér birtist enn frekar
af því lífsviðhorfi sem þarna kemur fram.

Öll urðum við ríkari í andanum að þú skyldir hlusta
á þína innri röddu um að gera enn betur.

Myndir eru veltilfundnar og gefa ljóðunum vissan slagkraft í
látleysi sínu (sbr. Barnæska). Og hér líka!

Kæra þökk

[Toshiki Toma, 1.7.2009 kl. 22:22]

Kæri Húsari.

Takk fyrir kommentið þitt!