Hækkandi sól

 

                     Þögul vaknar sólin til lífs
                     og vatnsþráður seytlar úr frosnum læk
                     Mjúkir og ljósir geislar strjúka húðina
                     vekja náttúruskyn sem blundar í mér

                     Gegnum hvít-gullið loft sé ég fyrir mér:

                     hafið tvíofið með ljós- og dökkblátt,
                     fjall skreytt með silfraða læki og steina

                     og tún þakin glitrandi grasi og kindum

                
                     Sumarmynd þiðnar
                     með hverju skrefi hækkandi sólar
                     og heimurinn verður marglitur
                     með degi hverjum sem hún lýsir 

 

                                                    - Hækkandi sól; jan. 2007  TT,

                                                      Myndin er úr www.FreeFoto.com - 

 

 

Athugasemdir

[Guðmundur St Ragnarsson, 1.2.2010 kl. 18:38]

Mjög fallegt Toshiki. Íslenskan er að vera djúp og falleg hjá þér. Meira svona!

[Toshiki Toma, 1.2.2010 kl. 18:52]

Kæri Guðmundur, þakka þér fyrir gott orð handa mér.
Það eru margir vinir mínir sem veita gjarnan mér aðstoð varðandi íslensku tunguna. Því ég skulda þeim margt og mikið í raun!

[Sigurbjörn Þorkelsson (IP-tala skráð) 1.2.2010 kl. 20:24]

Fallegt ljóð! Frábært hjá þér Toshiki - til hamingju með þetta.

[Toshiki Toma, 1.2.2010 kl. 21:25]

Takk kærlega fyrir, Sigurbjörn.

[Pjetur Hafstein Lárusson, 2.2.2010 kl. 07:30]

Þakka þér fyrir fallegt ljóð.  (Smá ábending, tvö fyrstu orðin hafa runnið saman.)

[Toshiki Toma, 2.2.2010 kl. 10:24]

Sæll, Pjetur.

Takk fyrir gott orð þitt og einnniga ábendinguna. Þessi villa á sér stað eftir að ég byrjaði að nota Saffari. Þarna stendur eins og allt væri í lagi, en þegar ég skoða í Firefox eða annað birtist alltaf eins konar villa.

Gott að fá að vita. Takk!

[Adda Ingólfsdóttir (IP-tala skráð) 5.2.2010 kl. 22:24]

Sæll Toshiki.

Ég hef aldrei kommentað hjá þér áður.

Ég hef verið að vinna að lokaritgerð í margar vikur og lítið séð af þeirri litlu sól sem gægist upp fyrir sjóndeildarhringinn þetta misserið. Þetta ljóð færði mér sólina inní hugann!

Takk.

Adda

[Toshiki Toma, 6.2.2010 kl. 09:17]

Kæra Adda.

Komdu sæl og þakka þér fyrir viðbrögðin þín.

Vona að allt hafi gengið vel hjá þér í lokagerðinni þinni !

Bestu þakkir,

Toshiki