“ Fimmta árstíðin” fær góðan dóm!!

 
Ljóðabókin mín “Fimmta árstíðin” fékk faglegan ritdóm í fyrsta skipti í Mbl. í dag.
Gagnrýnandi var Skafti Þ. Halldórsson hjá Morgunblaðinu.
Til minnar hamingju er dómurinn umburðarlyndismikill og ljúfur.
Takk fyrir þetta!


Það er aðdáunarvert hvernig Toshiki Toma hefur náð að temja sér tungutak okkar Íslendinga ef marka má ljóðabók hans Fimmtu árstíðina. Að sönnu hefur hann fengið aðstoð margra mætra einstaklinga við frágang bókarinnar ef marka má þakkir hans í lok hennar. En margt í henni er með þeim hætti að sérhverju íslensku skáldi væri sómi af. Toshiki Toma er fæddur í Tokýó í Japan og bera ljóð hans upprunanum vitni. En hann tekst einnig á við íslenskan veruleika og kannski ekki síst íslenska náttúru. Trúin er honum mikilvæg og lífið. Bókin hverfist um árstíðirnar og kannski ekki síst þá fimmtu sem hann líkir við blóm innra með sér sem
„teygir sig upp
opnar sig til að taka á móti
skini frá sólinni
og bjarma frá jörðinni“.

Styrkur Toshiki Toma er mestur í knöppu hæku-líku ljóðformi þar sem andstæðum er teflt fram í þéttu náttúrumyndmáli:

Á titrandi mósaíkmynd
á gárum Tjarnarinnar
hvílir haustdagur

Toshiki Toma er næmur á hina smágervu veröld í kringum okkur en hann spyr líka spurninga og bendir á margt í mannlegri breytni sem verður okkur til umhugsunar eins og í kvæðinu Sannleikur.

Sannleikurinn er
eins og bolti í ruðningsleik
Þeim er hrósað
sem láta boltann ganga á milli sín

Þeim sem vilja halda fast í hann
troðið í svaðið

Ljóðabók Toshiki Toma, Fimmta árstíðin, er fremur hugljúf bók þar sem fegurð lífsins er dásömuð. Ljóðin einkennast þegar best lætur af knappri og markvissri myndbyggingu og útgáfa hennar hlýtur að teljast nokkurt afreksverk.

    -Skafti Þ. Halldórsson, Mbl. 14. desember bls.19-

Athugasemdir

[Jakob (IP-tala skráð) 14.12.2007 kl. 15:08]

Til Hamingju Toshiki!

[Elísabet (IP-tala skráð) 14.12.2007 kl. 15:11]

Innilega til hamingju

Kveðja

Elísabet

[Margrét Hrönn Þrastardóttir (IP-tala skráð) 14.12.2007 kl. 15:37]

Hjartans hamingjuóskir með ljóðabókina þína og góða dóma um hana

[valborg Kjartansdóttir (IP-tala skráð) 14.12.2007 kl. 15:45]

Innilega til hamingju með bókina. Nú kaupi ég hana og les yfir jólin.

Kveðja

Valborg Kjartansdóttir

[Heimir Lárusson Fjeldsted, 14.12.2007 kl. 17:24]

Mínar bestu hamingjuóskir

[Ransu, 14.12.2007 kl. 19:09]

Þetta er ágætis dómur með góðum lokahnykk og vel völdum ljóðum honum til stuðnings.  Til lukku með bókina, afreksverkið.

[Greta Björg Úlfsdóttir, 14.12.2007 kl. 20:23]

Innilega til hamingju með bókina !

og þessa góðu umsögn.

Hlakka til að lesa hana

- ég er búin að senda tölvupóst til þín, örugglega er langur listi hjá þér!

[Úlfar Þór Birgisson Aspar, 14.12.2007 kl. 21:12]

Glæsilegt alveg hreint ljómandi dómur til hamingju kveðja Úlli.

[Úlfar Þór Birgisson Aspar, 14.12.2007 kl. 21:21]

Var að senda þér póst og gleymdi jú kennitölu hún er 210166-5729

[Ólína Kjerúlf Þorvarðardóttir, 14.12.2007 kl. 22:09]

Til hamingju Toshiki.

Það er ljóst að Skafti ber meiri virðingu fyrir þinni ljóðagerð en minni - mína ljóðagerð kallaði hann "sýsl í basli" í ritdómi á dögunum og pexaði við mig um það hvernig ég hefði átt að yrkja eitt þeirra.

En þú ert vel að því kominn að fá góðan dóm. Ég er byrjuð að lesa bókina og ljóðin þín eru bæði falleg og vel hugsuð. Eins finnst mér útlit bókarinnar undurfallegt.

[Toshiki Toma, 14.12.2007 kl. 23:19]

Kæru bloggvinir,
Þakka ykkur fyrir öllu hlýju kveðjurnar ykkar. 

Ólína, ég get ekki sammála þér því að gagnrýnandiinn ber minni virðingu fyrir 
ljóðum þínum.... það er að vissu leyti þannig að  maður tekur það til tillits þess að ég 
er ekki íslenskur og sú staðreynd hefur áhrif á ritdóm.. hins vegar ertu velmetin
þjóðfræðingur og náttúrlega gæti ritdómurinn harðari til þín í samnburði við einhvern
í bænum.. 
Er þetta "jákvæð mismunun"?? Þarf að hugsa.
En eins og ég sagði aður, hlakka ég mikið til að lesa ljóðabókina þína í rói, reunar 
ætla ég að lesa hana í Tokyo brátt! 
Takk kærlega fyrir hlýju orðin.  

[Kristín M. Jóhannsdóttir, 15.12.2007 kl. 00:31]

Innilega til hamingju. Það er frábært að þú skulir hafa náð slíku valdi á okkar erfiða tungumáli að þú getur ort á íslensku. Vilja margir en geta fáir.

[Greta Björg Úlfsdóttir, 15.12.2007 kl. 01:10]

Í ljóðlist er mest um vert að sjá mynd í huga (hugmynd) og koma í orð, orðin sjálf eru ekki aðalatriði, þó þau þurfi að hljóma vel og í samræmi...

Þetta tel ég muninn á kveðskap og ljóðlist... ...

[Sigurður Hólmar Karlsson, 16.12.2007 kl. 09:10]

Innilega til hamingju með ljóðabókina þína fer á óskalistann minn um jólin

[Guðfríður Lilja (IP-tala skráð) 16.12.2007 kl. 16:22]

Innilega til hamingju kæri Toshiki! Mikið var ég glöð að lesa dóminn, þú átt hann sannarlega fyllilega skilið, þetta er afrek hjá þér!. Kær kveðja, Lilja