Kertafleyting í kvöld í Rvk. og annað kvöld á Akureyri

Friðar- og mannréttindanefnd Æskulýðssambands Þjóðkirkjunnar hvetur alla til að mæta á kertafleytingu í Reykjavík í kvöld og á Akureyri annað kvöld.

Íslenskar friðarhreyfingar standa að kertafleytingu á Reykjavíkurtjörn miðvikudaginn 6. ágúst 2008. Safnast verður saman við Suðvesturbakka Tjarnarinnar (við Skothúsveg) klukkan 22:30 en þar mun Kolbrún Halldórsdóttir alþingismaður flytja stutt ávarp. Flotkerti og friðarmerki verða seld á staðnum.

Kertum verður einnig fleytt á Akureyri við Minjasafnstjörnina, fimmtudagskvöldið 7. ágúst kl. 22:30. Ávarp flytur Svavar Jónsson sóknarprestur. Flotkerti verða seld á staðnum.

Fleytt er kertum í minningu fórnarlamba kjarnorkueldanna í japönsku borgunum Hiroshima og Nagasaki dagana 6. og 9.ágúst 1945. Þetta er tuttugasta og fjórða kertafleytingin á Tjörninni af þessu tilefni. Fyrsta kertafleytingin var í ágúst 1985 þegar 40 ár voru liðin frá kjarnorkuárásunum. Þá sendu japanskir hibakushar" (en svo eru eftirlifandi fórnarlömb kjarnorkuárásanna nefnd) hingað til lands kerti með
beiðni um stuðning við baráttu þeirra gegn kjarnorkuvopnum. Tveir fulltrúar þeirra komu einnig hingað til lands í boði Samtaka herstöðvaandstæðinga.

Um leið og friðarsinnar minnast þeirra sem féllu í kjarnorkuárásunum leggja þeir áherslu á kröfuna: Aldrei aftur Hírósíma! Aldrei aftur Nagasaki! Rödd friðar þarf að heyrast og hljóma um allan heim. Yfirvöld verða að fá skýr skilaboð um að stríð sé ekki valkostur. Loftárásir og heræfingar tryggja ekki frið. Vandamál heimsins verða ekki leyst með ofbeldi og vopnavaldi heldur samvinnu og viðræðum. Krafa okkar er friðsamur og kjarnorkuvopnalaus heimur.

Að kertafleytingunni stendur samstarfshópur friðarhreyfinga. Í honum eru Félag leikskólakennara, Friðar- og mannréttindahópur BSRB, Friðar- og mannréttindanefnd Æskulýðssambands þjóðkirkjunnar, Menningar og friðarsamtökin MFÍK, Samtök hernaðarandstæðinga og SGI á Íslandi (Friðarhópur búddista).


Eftir Ármann Hákon Gunnarsson, úr kirkjan.is 6/8 2008

Athugasemdir

[Jón Steinar Ragnarsson, 6.8.2008 kl. 15:30]

Hræsni. Er þetta allt, sem þið getið gert fyrir fórnarlömb þessara ógna? Hvernig væri að kirkjan berðist gegn því að þetta endurtaki sig og tali um fyrir dauðakölti kristinna, sem sér silfurbryddingu í kjarnorkubálinu og telur það forboða um endurkomu hins ímyndaða vins.

Takið til í kristindómnum, sem steypti mannkyni í myrkur fáfræði, fátæktar og kúgunnar í 1500 ár og fleytið svo kertum til að fagna árangrinum, þegar þessi geðveiki hefur verið kveðin niður.

Lestu söguna og settu hana í samhengi við það sem þú ert að prómótera Toshiki og ef þú móðgast við þessi orð, þá máttu vita að ykkar heilaga hneykslan er vísasta merkið um að hreyft hafi verið við sannleikanum um ykkur hálaunamennina og umboðsmenn þess, sem ekkert er.

[Jón Steinar Ragnarsson, 6.8.2008 kl. 15:47]

Hvað verður gert við peningana fyrir flotkertasöluna? Eruð þið kannski að augast á eymd og dauða saklausra manna, sem hlutu dauða og kvöl fyrir skipanir kristinna leiðtoga?  Er það ekki týpískt fyrir ykkur að upphefja ykkur á hryllingi og dauða sjálfhverfri gervigæsku til undirstrikunnar.  Það hefur kirkjan alla tíð gert.  Kvöl, fátækt og sjálfsafneitun, fáfræði og aðskilnaðarárátta eru dyggðir ykkar.

Þið sveipið ykkur fölskum ljóma og stelið senunni hvar sem hörmungar eru, ykkur til upphefðar. Leggið hendur í skaut í gagnslausri og innantómri bæn, sem er vísasta leiðin til að gera akkúrat ekkert í málunum. Megið þið eiga skömm fyrir.

[Jón Agnar Ólason, 6.8.2008 kl. 16:25]

Jón Steinar,
mig varðar í sjálfu sér ekki um samskipti þín og síðuhaldara, Toshiki Toma, en hver sá sem eitthvað hefur lesið eftir Sr Toma veit sem er að þar fer mannvinur og málsvari gæsku og umburðarlyndis hvort heldur er í samhengi kynhneigðar, þjóðernis eða annars - segi ég sem er nú ekki sá kirkjuræknasti.

Þess vegna finnst mér þessi árás þín á hann heldur óverðskulduð og finnst um leið út í hött að spyrða Toshiki saman við þær hörmungar sem kirkjan hefur kallað yfir mannkynið í gegnum aldirnar. Þær eru óumdeildar, og ég persónulega held að heiminum væri betur borgið án trúarbragða. Það er ekki þar sem sagt að þú getir skammað síðuhaldara fyrir þær hörmungar, frekar en að hægt sé að skamma handahófsvalinn Þjóðverja fyrir grimmdarverk Nasista eða þá þig sjálfan, hvítan manninn, fyrir óskunda þann sem hvíti maðurinn hefur valdið í samskiptum sínum við frumbyggja N- og S-Ameríku síðustu fimmhundruð ár eða svo. 

Nafni, ég er þér að mörgu leyti sammála um þann djöfuldóm sem kristnin hefur leitt mannkynið í gegnum tíðina, sú saga er að mestu óumdeild, en þú ert að mínu mati að hella úr skálum reiði þinnar á röngum stað. Og málstaðurinn bakvið þessa kertafleytingu er eftir sem áður góður.

[Toshiki Toma, 6.8.2008 kl. 16:31]

Jón Steinar,

Ég móðgast ekki, en mér finnst það sem er innantómt eru athugasemdirnar þínar.
Ég segi það fyrir að ég ætla ekki að svara meira fyrir "SLAGAORÐ" athugasemd eins og þinni.

[Jón Steinar Ragnarsson, 6.8.2008 kl. 17:23]

Jón Agnar: Ég tala í fleirtölu um Kristna hér, sem mæra sjálfa sig og upphefja á eymd heimsins, sem þeir hafa sjálfir skapað. Það að styðja og réttlæta slíkt költ. vera málsvari þess og réttlæta það, er það sem ég fyrirlít.  Toshiki má vel vera besta skinn, sem í einfeldni sinni heldur sig vera að boða gott, en afneitar hryllingi ritningar sinnar.

Fyrir heiminum standa nú enn og aftur myrkar aldir, fyrir lygaþvælu og ofstæki kirkjunnar. Stofnunar sem hafnar þekkingu og vinnur gegn henni um leið og hún elur á aðskilnaði og kúgar sakleysingja til að styðja sig að viðlagðri eilífri þjáningu handan grafar og dauða. Er ég að fara með rangt mál Toshiki? Eru það innantóm orð eins og þú svo hrokafullt ýtir til hliðar hér?

Er það rangt af mér að segja að biblían sé skáldskapur, sem eigi sér enga sagnfræðilega stoð? Er það rangt af mér að segja að guð þinn eigi sér enga tilvist og að Jesú þinn hafi aldrei verið til?

Auðvitað veistu það Toshiki. Þú hefur lesið þig til um hvernig þetta kom til. Þú lærðir guðfræði er það ekki?  Ertu bara ekki að verja þægilegt og vel launað starf þitt sem er fjármagnað á eymd manna og lygi og ógnum?

Hvað er það góða, sem kristni hefur leitt til í sögu mannkyns síðustu 2000 ár? Ég spyr þig heiðarlega. Hverju þjónar kristni í lífi manna í dag öðru en að setja flein á milli þeirra? Er það kannski bissnessinn að grafa dauða, sem þú telur til tekna? Að sitja um börn og dæla þvælu ykkar og uppspuna í höfuð þeirra til að tryggja framtíðarþræla andlegrar flatnesku og andlegrar ógnarstjórnar ykkar? Til að tryggja ykkur ofurlaun og til að byggja hin tómu og kölkuðu grafhýsi ykkar, sem engum eru til gagns?

Svaraðu eins og maður í stað þess að hreyta hroka þínum hér og opinbera eðli embættis þíns.

[Jón Steinar Ragnarsson, 6.8.2008 kl. 17:35]

Þú minnist á Nasisma Jón Agnar. Það er nokkuð víst að þeir, sem veita honum brautargengi í dag og prómótera gyðingahatur, þykja ekki par fínir er það? Eru þeir ekki að boða endurtekningu og viðhald glæpanna?  Má ekki sama segja um þá sem boða heimsmeistara mannlegrar grimmdar í gegnum söguna? Eru þeir ekki að halda opnum möguleikunum á endurtekningu? Hefur biblían og réttlæting þessa eitthvað breyst?

Biblían er berklasjúkdómur, sem liggur í dróma, þar til aðstæður skapast að þeir vakni til banvænna afleiðinga. Berklar, sem standa gegn vísindum og þekkingu og þegar hnignar á því sviði og í afkomu manna, þá mun viðurstyggðin vakna upp aftur í öllu sínu veldi. Púðrið til þess er enn í bókstafnum kallinn minn.

Prestar landsins eru þeir, sem viðhalda þessum berklum, hvort sem það er þeim meðvitað eða ómeðvitað.  Það er kominn tími til að þeir fari að boða sannleikann og hætta að ljúga að fáfróðum sakleysingjum og tala um sögu kirkjunnar eins og eitthvað, sem þeim kemur ekki við.

[Róbert Björnsson, 6.8.2008 kl. 18:02]

Kæri Jón Steinar:  Oft hef ég verið þínum beittu skrifum sammála...en hér finnst mér þú missa marks.  Svona reiði- og öfga-skrif eru ekki best til þess fallin að koma málstað okkar trúleysingjanna á framfæri.  Þvert á móti gætu þau skemmt fyrir trúverðugleika okkar í hugum margra hófsemdarmanna.

Ég tek undir hvert orð Jóns Agnars, því ég veit að Sr. Toma er umfram allt mannvinur mikill og mér finnst ósanngjarnt mjög að ætla honum allt illt bara af því að hann er þjóðkirkjuprestur.  Prestar eru líka fólk!   

Sömuleiðis er málstaðurinn á bakvið þessa kertafleytingu góður og hefur ekkert með kristni eða trúarbrögð að gera að mínu mati... þú ættir jafnvel að íhuga að mæta og minnast fórnarlamba þessa hörmulegu atburða...sem sekúlar húmanisti!

[Jón Steinar Ragnarsson, 6.8.2008 kl. 22:31]

Biðst forláts, ef ég hef sært sómakennd ykkar. Hvers vegna í ósköpunum þurfa menn annars að gera alla gagnrýni á trúarbrögð að persónulegum árásum? Gera sig að fórnarlömbum með tár á hvarmi og titrandi höku. 

Það sem  mér ofbýður er sjálfsupphafning, sjálfsréttlæting og hræsni. Þetta er klár vitnisburður um slíka sjálfmæringu. "Sjá gæsku mína." "Er ég ekki frábær." syndrome.  Svo er ekkert frekar aðhafst og farið heim að horfa á guiding light. Hvað er þetta annað en hræsni?

Það er enginn að efast um persónu Toma, en ég get fullvissað ykkur um að hann er að upphefja sjálfan sig hér,  jafnvel þó honum sé það ekki ljóst. Hann er orðinn skilyrtur þessu yfirdrepi og falsi. Hefur diplóma upp á það til og með.

Hvernig  væri að láta verkin tala, ef hugurinn stendur til þessara hluta, í stað þess að auglýsa dyggð sína og gera svo ekki rassgat í því? Er það ósanngjörn ábending? 

Maður er bara búinn að fá upp í kok á þessari væmni og sjálfhverfu og ég vona að Tosiki hugleiði það og taki það upp meðal kollega sinna.

[Edda Agnarsdóttir, 14.8.2008 kl. 15:39]

Sæll Toshiki. Viltu skoða heimasíðu mína og taka þátt?